如樱花盛开到落下!日韩「尝」樱之旅

(Presented by 花月庭)

去过旅行赏樱嘅你,都可能知道4月係樱花盛开嘅时期,闭起双眼你最挂念日韩嘅樱花靓景,但眼睛张开身边只係石屎森林?唔使灰心!就等我Dining娜带你喺帝京酒店嘅花月庭,嚟一转「味历日韩尝樱之旅」自助晚餐!即开生蚝、香煎鸭肝及火焰波士顿龙虾配海胆呢啲时令主打当然有,不过以下几款趁住花季推出嘅日韩限时花季美食,就一定要睇吓我介绍喇!

第一站:韩式料理

要感受韩式料理,唔一定要辣嘅!花月庭新添置嘅韩烧区,就可以试到唔同嘅韩式滋味,食材包括安格斯牛肉、五花腩、牛油帆立贝串、鱿鱼鬚及金菇烟肉等,经特製腌酱同师傅亲自即席烧烤,味道绝对有保証!

如樱花盛开到落下!日韩「尝」樱之旅
平时食个韩烧几碟肉都几百蚊,喺呢度任食之余,仲唔使自己烧,绝对超值。

除咗韩烧,韩式人参鸡汤都係必点韩式料理,因为健康又好味。严选嘅嫩滑春鸡,酿入矜贵韩国人参同材料炖煮三小时,每一啖都係精华所在!

如樱花盛开到落下!日韩「尝」樱之旅
韩式人参鸡汤喺冬天进食时可以驱寒暖胃,而夏天就可补充因过量流汗造成嘅体力损耗,营养十足。

第二站:日式料理

跟住要介绍嘅就係日式料理,刺身当然係必食item!就好似呢款即切油甘鱼刺身,严选约一米长嘅日本原条油甘鱼,重约五至七公斤,肉质入口爽脆弹牙,味道鲜甜!

如樱花盛开到落下!日韩「尝」樱之旅
刺身由师傅喺自助餐枱上即席切片,保証新鲜!

假如刺身唔啱你胃口,呢款铁板岩浆鳗鱼芝士饭就唔可以错过啦!香甜鳗鱼放喺热辣辣嘅铁板炉上,加入溶岩芝士蛋浆,令每啖饭都充满蛋香同浓郁半溶芝士味。

如樱花盛开到落下!日韩「尝」樱之旅
识食一定係夹着鳗鱼连饭一齐食,因为可以做到拉丝效果,好睇又好食。

第三站:赏花赏月尝樱花

係时候嚟到戏肉尝樱喇,先嚟一个西日fusion先!樱花意大利饭配松叶蟹海苔汤,行政总厨嘅灵感源自日式茶渍饭,再加入西式意大利饭食材,一道菜式两种风情,创意十足。

如樱花盛开到落下!日韩「尝」樱之旅
放汤前先煎封饭面,增加焦香脆口感觉,配上清甜无比嘅松叶蟹海苔汤,味道层次丰富。

一餐美满嘅饭,又点可以冇咗甜品?以下呢3款樱气十足嘅甜品,有蛋糕又有甜脆包,以樱花配搭抹茶同柚子等唔同食材,颜色鲜豔,绝对係相机食先之选!

如樱花盛开到落下!日韩「尝」樱之旅
宇治抹茶樱花天使蛋糕(上) 樱花味天使蛋糕中加悍宇治抹茶忌廉,花香及淳茶味并重,散发清淡嘅微甜。 柚子樱花年轮蛋糕(左) 半月形嘅年轮蛋糕上唧满樱花柚子味忌廉,入口清香而绵滑,空气感十足。 樱花雪糕甜脆包(右) 新鲜热辣嘅甜脆包,加入樱花味雪糕,脆卜卜外层配上入面软绵绵嘅雪糕,冰火交融,必食推介!

 

顺便介绍多一款包含住满满沖绳味道嘅沖绳红芋挞,当地出产嘅红芋,甜度、香味及鬆软度都非常高,鬆脆挞皮配上软滑红芋,绝对係perfect match!

如樱花盛开到落下!日韩「尝」樱之旅
牛油挞面上铺满芋泥整个,滋味同用料一样饱满!

 

味历日韩尝樱之旅自助晚餐

供应时间:

「全时段自助晚餐」: 18:00-23:00

「第一时段自助晚餐」: 17:45-20:15

「第二时段自助晚餐」: 20:30-23:00

价钱:

成人$508起 小童$338起 长者$478起 *须另加一服务费

额外生日优惠:

由即日至,凡于星期一至四惠顾每满6位全时段自助晚餐,其中一位客人可免费享用自助晚餐并获赠3/4磅指定精美生日蛋糕乙个。

生日优惠条款及细则:

– 优惠只限首50位客人

– 敬请于最少3天前订座及出示生日证明方可享用优惠

– 免费优惠以最低价格之自助晚餐计算,优惠可与其他优惠同时使用

– 如有任何争议,帝京酒店保留一切最终决定权

 

地址:

旺角太子道西193号帝京酒店2楼

订座/查询2622 6154

上一篇: 下一篇:

相关文章